Денес градоначалникот Дарко Костовски заедно со градоначалникот Орце Ѓорѓиевски означија почеток на изградба на мега-паркот на булеварот „Христијан Тодоровски – Карпош“.
Запуштениот простор долж булеварот „Христијан Тодоровски – Карпош“ ќе прерасне во функционален зелен простор — мега-парк со богати зелени површини, плоштад, детски катчиња, пешачки патеки и фитнес-зони, со содржини наменети за сите возрасти.
Инвестицијата во зелени површини е инвестиција во здравјето и иднината на градот.
Градоначалникот Дарко Костовски заедно со градоначалникот Орце Ѓорѓиевски најавија вистински инфраструктурен бран во општина Бутел.
Град Скопје ќе изгради кружен тек на крстосницата меѓу улиците „Бутелска“ и „Александар Урдаревски“, како дел од стратегијата за уредување на 50 критични крстосници низ Скопје.
Паралелно со тоа ќе следи целосна реконструкција на улиците „Бутелска“ и „Радишанска“ со нов асфалт, пешачки патеки, улично осветлување и атмосферска канализација, која конечно ќе го реши долгогодишниот проблем со поплави.
Меѓу пошироките проекти што следуваат се реконструкцијата на стариот Качанички пат и развојот на економската зона “Визбегово”, како и ревитализацијата на коритото на Серава со уредени зелени коридори, велосипедски и пешачки патеки.
